REVIEW | DOSE OF COLORS DESIXKATY COLLECTION

Í dag höfum við samstarf Dose of Colors við Youtube stjörnunar Desi Perkins og Katy. Í hreinskilni sagt þá er ég vanalega voðalega lítið fyrir svona samstörf en þar sem Desi og Katy eru með mínum uppáhalds Youtube píum gat ég ekki sleppt því að splæsa. Þær eru með þeim fáu sem hafa haldið sér niðri á jörðinni þrátt fyrir "frægð og frama" og met ég það til mikils.

Í línunni komu 8 vörur : 2 highlighter-ar, 2 varalitir, 2 fljótandi varalitir, varagloss og augnskuggapalletta. Ég valdi mér eitt úr hverjum flokk (þó mig hafi langað í allt).

Við skulum byrja á því sem er að mínu mati stjarna línunnar, augnskuggapallettan sem kallast The Girls. Í pallettunni eru fjórir augnskuggar, allir háglans og metallic. Hugmyndin á bakvið pallettuna var að allir ættu nú þegar sína go-to möttu blöndunarliti og eru þessir því hugsaðir til að poppa upp á allar augnfarðanir, mér fannst það ansi skemmtilegt þar sem ég á nú þegar um 15 milljónir matta neutral liti og var ég því meira en til í fallega augnskugga til að hrista upp í öllu.  Augnskuggarnir eiga allir að vera notaðir með puttunum og tveir af þeim (Harpoon og Suz) eiga að vera bleyttir til að fá litinn eins og hann á að vera.   Suz er gullfallegur og hentar vel í innri augnkrók eða á augnlokið fyrir extra pop.  Noli er sá eini sem mér finnst virka vel með bursta, fallegur bronslitur en af öllum í pallettunni þá er þessi sá sem er minnst spennandi og á ég nú þegar nokkra svipaða.  Turbosan er uppáhaldið mitt, virkilega fallegur djúpur plómulitur með glimmeri, hann er brjálæðislega litsterkur og ég er mjög spennt að nota hann í smokey farðanir í vetur.  Harpoon er grænn með köldum grunn og gylltu glimmeri. Hann er alveg ónothæfur með bursta en er virkilega fallegur notaður með fingrunum. 

NO SHADE

Varalitirnir tveir sem komu í línunni eru hinir fullkomnu nude litir fyrir Desi og Katy, No Shade sem er mjög ljós ferskjulitaður nude og More Creamer Please sem er aðeins dekkri með brúnni ferskjutón. Ég valdi þann ljósari og hentar hann mér mjög vel þegar ég nota aðeins dekkri varablýant með. Formúlan er vel litsterk og kremuð með semi mattri áferð, liturinn endist lengi á vörunum og þurrkar þær ekki. Þessi fer beint í go-to nude safnið!

 

HOT FIRE

Fljótandi varalitirnir frá Dose of Colors eru stjarna merkisins, ekki að furða þar sem formúlan er mjúk og þægileg, alveg mött án þess að þurrka varirnar og endist allan daginn (grínlaust). Ásetjarinn er líka mjög þægilegur, heldur mikið af vöru en er með fínum odd svo maður getur mótað varirnar vel. Litirnir tveir sem komu í línunni voru Hot Fire sem ég valdi, klikkaður bjartur appelsínurauður og Saváge, mjög dökkur burgundy litur.

OVER THE TOP

Varaglossinn Over the Top er glær með mikið af fíngerðu gylltu glimmeri. Glimmeragnirnar eru það smáar að maður finnur ekki fyrir þeim á vörurnum en þær gefa virkilega fallegt lúkk. Glossinn er háglansandi án þess að vera klístraður og hentar vel yfir langflesta liti (ég prófaði hann með Hot Fire og það var klikkað!).

FUEGO
Síðast en alls ekki síst er það highlighterinn Fuego. Fuego er einstaklega fallegur kampavínsgylltur. Í fyrstu var ég hrædd um að hann yrði of dökkur á mig en grunnurinn er ljós er það lítill að hann hentar mjög vel, gefur virkilega fallegan gylltan ljóma. Hinn highlighterinn í línunni heitir Mírame, hann er dekkri rósgylltur litur. Mjög fallegur og myndi henta miðlungs og dökkri húð mjög vel!
Allt í allt mjög vel heppnuð lína, gullfallegar pakkningar og góðar vörur! Mæli með x
þessi færsla er ekki kostuð // vörunar keypti ég sjálf